Bawipai’h Loram Hrang
(Lyrics)
Key: F
[Verse 1]
Bawipa na hnatuan dingah hin mitling lo in kawk hi
Fim le thiamnak simrel theinak zianghman ka nei si lo
Ka tlin lohnak fellohnak leh ka harsat hmuah pawl
Ka ruah kirsal can hi cun ka beidawng.
[Verse 2]
Hmanseh ka Bawipai’ aw nem cun ka fa na thin nau hlah
Harsat beidawn thinphannak cun na nun cim buai hman seh
Na dung na hmai keh leh vorh in ka lo umpi ding ii
Na fehnak hmun tin kipah ka lo thlun ding.
[Chorus]
Bawipa’i lo ram hrang a tu in tuan uh si
Tuantu an mal tuan ding a tam fawn si
Thlarau mitin cuan hmanh kan ram kan nun dan hi
Hlohralnak lamzin panin kan pial si
Nang leh kei a tu thawkin Bawipa’i lo ramhrang
kan theihnak hmuah suah in tuan uh si.
[Verse 3]
Zumtu nitin kan nunnak dawnhar leh van sangin
Kan nun kan hmang kan Pathian thu zumngam ringngam loin
Ei leh in ding sinfen puan leh hlawnthil in leh lo ah
Mitampi cu kan vakvai hi leitlun ah.
[Verse 4]
Hmanhseh kan Bawipa Pathian cun a fa le kan hrangah
Ui zianghman a nei si lo kan tul danin in cawm
Cui ruangah a theithiamtu pawl cun vanlam cahnak ringin
An nun an hlan thihnak tiang Bawipa’i hrang ah.
