Bawipa Khuakhan
(Lyrics)
Key: C
[Verse 1]
Bawipa na khuakhan le remruat mi hi
Minung i theihkhawh hngalh khawh a si lo
Cunglei biathli cu Thlarau lawnglawng nih a theih;
Lei le Van hnak in let tampin a sang
Vanchiatnak kan tawnrua kan timi zong
A donghnak ahcun Bawipa nih a ṭhabik in a khan ko.
[Chorus]
Zeiruang ko ah hen hitluk misual hi na kan awt Bawipa
Zeiruang ko ah hen an hlawtmi Joseph cawisang a si cang
Miphar le thinghmui hna nih an dam i
Hlawhhlang le misual ngeihthiam kan si hi
Bawipa remruat hi thuhmi lungvar ṭha bantuk an si tawn.
[Verse 2]
Bawipa na remruat na khuakhan mi hi
Balaam caah laa in bia na chimter
Elijah cawmtu dingah langak cu na fial;
Sermi thilkip hi laamkaltu an si
Thli le ruah van ṭektla vialte hna le
Ramsa kip hna hi Bawipa lamkaltu ah an si hna ee.
[Verse 3]
Kan takpum zeizong damnak kan hmuh hi
A dawtnak sungbik thluachuah ro a si
Kan sual bantuk in lehrul loin na kan dawt;
Pathian na rianṭuan hngalh khawh a si lo
Miṭha bang in dawti ka si ve hi
Keibang dawttlak lo misual cungah maw zingzaan na kan ven.
