Bawipa Cu A Tha Hringhran
(Lyrics)
Key: Bb
[Verse 1]
Aw.. Bawipa cu a ṭha hringhran
Sual rethei nun harnak vialte in
Keimah kha a ka khamh
A hnakkarah a ka tenh
Ka thlacamnak kha ngai in
Thluachuahnak relcawk lo kha a ka pek..
[Verse 2]
Aw.. Thangṭhatnak zaihla sa in
Bawipa nangmah cu kan thangṭhat lai
Hallelujah tiin
Kan tonmi harnak chungin
Bawipa nangmah cu kan hmuh
Na vel hi kei ka caah a za ko..
[Chorus]
Maw ka nunnak lam hruaitu Bawipa
Na dawtnak kong ka ruah tikah
A lianngan hringhran ko
Van arfi le thlapa nih
Na sunparnak an langhter
Zeitluk sertu liannganmi na si hi
Kei zong chim ko ning..
[Verse 3]
Aw.. Siamtling lomi ka nunnak
Ka Bawipa vailam tahnak thawng in
Thiam coter ka si cang
An tuknak hmavual hna cu
Kei ka damnak ah an cang
Ka Bawipa vailam tahnak ka ṭhawnnak..
[Ending]
Zeitluk sertu liannganmi na si hi
Kei zong phuang ko ning.. Ohh..
