Bawi Cungnung
(Lyrics)
Key: E
[Verse 1]
Bawi cungnung Jesu kan thangṭhat hi
Minung ih fialcop in a si lo
Khuang le dar awn-ring tum ruang khal ah a si lo
Sunglam in fialtu thil a um cun
To men thei loin fialtu kan nei
Cucu midang in hmuhsak thei lo
Rentecost Thlarau Thianghlim a si.
[Chorus]
Donkham khalah khamh thei a si lo
Thir cikcin khal in khih thei si lo
Thangsiat le ningzahnak khal in a neh thei lo
Hitluk ih in duhdawttu Bawipa
A nunnak pum tiang in petu cu
Kan nunnak thaw a cem hlan sung cu
Lungawi tein kan thangṭhat sin ding.
[Verse 2]
Zing leh zaan tintei’ in cawmtu le
Mah le cantawk ih thluasuah petu
Nun le dam man khal dil lo te’n in kiltu Bawi
Duhdawtnak kan topi men thei lo
Lungawi in lam lo thei kan si lo
Kan thangṭhat le sunlawih mi hi
Bawipa’ hrang kan ti theitawk a si.
[Verse 3]
Filipi thawng sungah an hrenmi
Paul le Silas in an thagnṭhat ih
Cui’ ruangah hremnak cikcin pi khal an tla ee
Bawipa thangṭhat tu ih nunnak ah
Temṭawn tu thil khal an pelh theh ih
Natnak ih hrenmi cikcin an pelh
Thiang Thlarau thawngin damnak an hmu.
[Verse 4]
A nungmi thingkung daihnem tla cu
Zilthli hrang tikah an cangvai ih
A rocar mi thingkung cu an cangvai thei lo
Thlarau nunnak a neitu pawl cu
Thiang Thlarau zithli a hran tikah
Cangvai loin an um thei hrim lo
Thangṭhat hi a nungmi hna a si.
