Amah Caah Nung Usih
(Lyrics)
Key: F
[Verse 1]
Nun le dam lio ahhin Bawipa thangṭhat usih
kan lungthin dihlak in amah thangṭhat usih
Lam in thangṭhat usih kan ṭhazaang ngeimi dih
Lak chuah in thangṭhat usih;
Dam lo zawtfah caan zong kan sin a phan te lai
Lei harnak thlichia nih kan nun a denh te lai
Khi tikah na dam lio na thangṭhat lo caan kha
Khirh khawh a si ti lai lo.
[Chorus]
Kan nunnak hi amah ca’h dihlak in hmang usih
Thih hnu thlarau caah ngaihchihnak um loin
Diriam in thangṭhat usih;
A lianngannak cu van le vawlei ah lang seh
Mi vialte nih theih dingin aupi hna usih
Tlangkip le maw nelrawn
Kip ah Bawipa mui cuang cang seh.
[Verse 2]
Tihal le rawlṭam caan khan sin a phan te lai
Muinak le maw harnak caanzong kan phan te lai
A mi le fa harnak kan ton caan zongah khin
Amah a cawl zungzal tawn;
Kan rawlṭam caan zongah manna in a kan cawm
Muihnak chung um caan zongah mei in a kan hruai
Hitluk thangṭhat tlak hi rak thangṭhat ve ko mu
Caan ṭha a liam sual lai.
[Verse 3]
Bawipa thangṭhat ruangah soisel nisawh tawngin
Kan sining hi an duhning in kan phai hna seh
Kan ca vailam cungah ningzah phunkip tuarin
A fak bik thihnak a tuartu;
Amah ruangah soisel le maw thangṭhat tuarmi
Hna cu van lei thluachuah nunin cawmtu a si
Van ah khin thiamcoter mifa
Mi fadawt ah kan cang te lai.
