A Tak Dawtnak
(Lyrics)
Key: B
[Verse 1]
Hi vawlei ah dawtu hi phun tampi an um
Dawtawk an tlak ruangah dawt cu a phung a si
Mui dawh le samthlai rem duh zong kan minung phung
Siseh Jesuh nih kei a ka dawt cu
Vawlei phun le dawt ning cun a si kho hrim lo..
[Chorus]
Ho nih hen misual cu hawikom ṭha ah a ser khawh hnga
Vawlei phung in cun a si kho lo
Hmanhsehlaw a si kho lomi phungin dawtu Jesuh
Dawtnak hi a tak dawtnak a si..
[Verse 2]
Lei ram ah dawbiktu kan timi hna zong hi
Dawt kan tlak lio lawngah duh le dawtu an si
Dawt kan tlak lo hnu cun hnuchittu an tam ee
Siseh Jesuh cu dawt kan tlak lo lio
Zongah hnuchit siang loin daw pengtu a si..
[Verse 3]
Thil pek dawtnak hi cu minung dawtnak an si
Nunpek dawtnak hi cu Jesuh dawtnak a si
Kan thih ai ah thihpiak in kan tuar ai tuarpiaktu
Van khua le ram chungkhar ah a kan ser
A rocotu fadawt kan si Hallelujah..
[Verse 4]
Hingtu nu nih fadawt te cu philh caan a ngei
Mo zong nih a hlawnthil cu philh caan a ngei theo
Siseh misual, mipalh, mi thuarhnawm bikmi zong
Philh kho loin rosung bang kilkawitu
Cu Bawi Jesuh dawtnak lawng hi a si Amen..
