A Fimbik Mi Hna
(Lyrics)
Key: D
[Verse 1]
Bawipa vawlei nih mifim bik
In kan ruahmi hna hi
Cawnnak a ngeimi hna le
Uktu bawi hna hi an si
Hmanseh Khrih nang ngeih loin cun
Cawn fimnak kan timi hna hi
Nang he a kan thentu le
Mi nun phentu men a si.
[Chorus]
Hi lei fimnak le thiamnak hi cu
Phorhlawt pitlak an si lo
Zungzal in a hmun khomi
Fimnak tling an rak si lo
Bawipa nang an hngalhtu mi hna le
Thlarau duhning in a nungmi hna hi
Tluk khawh lomi fimnak in
A fimbik mi cu an si.
[Verse 2]
Bawipa phungthlukbia chungah cun
Thil hmebik an si nain
Vawlei cung i mifim hna
Nakin an fim deuh a ti
Hngerhte, saveh, tekral hna le
Khaubok hna hi an fim bik cem
Khua caan hngalh in rian an tuan
Lungpi chungah khua an sa.
[Verse 3]
Kan Bible caah mirumbik
Zakia nun kan zo tikah
Vawlei cung thilri hna nih
A di an riamter kho lo
Tlinnak a ngeituk mi Bawipa
Nang he ai ton hnu lawngin
Lawmhnak in Zakia a khat
Khamhnak rocotu a si.
