A Dawtnak Ruah Ah
(Lyrics)
Key: Ab
[Verse 1]
Bawi Jesuh Khrih dawtnak kong ruah ah
Thangṭhat loin um khawh a si lo
Misual kan si ko nain mi ṭha bang a kan cohlan
Hi kong ka ruah ah chung lei nun in
Ka lunglawmhnak mitthli a luang tawn
Hallelujah kut bengh le lam in
Ka thangṭhat ko lai.
[Chorus]
Maw ka nunnak Bawipa thangṭhat
Maw ka sining a min thiang cu thangṭhat
Bawi vialte lakah Bawi Siangpahrang
Mi zeihmanh thlei dang loin dawtu
Zak loin thangṭhat chinchin usih
Bawipa a ṭha ee.
[Verse 2]
Vawlei a si ca a caan ahcun
Mitthli tlaknak zong kan ton ko lai
A caan ahcun lunglawmhnak Ni ceu zong kan ton ko lai
Khrih dawtnak fiang ten ka pemh hnu cun
Amah thawngin nunzia ka thiam cang
Ka ton mi thil vialte hna zong hi
A dawtnak an si.
[Verse 3]
Sifak mirum zei rel lomi le
Misual minau ta zong thleidang lo
Kan mah le sining te cio in ee a kan dawt zungzal
A thukmi horkuang kan phak zongah
A kan kilven i a kan umpi
Pathian dawtmi fa kan si mi hi
A sunglawi tuk ee.
[Verse 4]
Hnemtu ka ngeih lo caan ah hnemtu
Kan vansan caan ah a kan bawmtu
Kan ngeihchiat lio caan zongah ah
Kan mitthli a kan hnawttu
Ti le rawl zong khim tein petu
Zaan ih puan vurh zong lum ten petu
A dawtnak ruah ah thangṭhat loin
Ka um kho hrim lo.
