Jesuh Sawm U Sih
(Lyrics)
Key: G
[Verse 1]
Kan sinah rak tlung ve ko
Khua a tlai i zaan a mui
Amau lei panh khual tlawngmi
Bawipa Jesuh cu an sawm
An thlarau mit a dei i
Lunglawmhnak sangbik an co
Hallelujah Jesuh sawm hi
A hlawk bik ko ee hawi dawt..
[Chorus]
Kan mitthli hnawtpiaktu le
Kan thilrit a kan cawngtu
Kan zawtnak a damtertu
Cu kan Bawipa Jesuh Khrih
Amah a sawmtu paoh cu
An co bal lomi lawmhnak
Thar cu an co hrimhrim ko lai
Cu caah Jesuh sawm u sih..
[Verse 2]
Fanu le fapa kongah
Lung a dongmi nan um maw
Maw David fapa ka zaangfah
Tiin Jesuh lawm usih
Mitthli pinlei i lawmhnak
Tahnak pinlei i thluachuah
Na fanu fapa hna hmangin
Thluachuah thar na co than lai..
[Verse 3]
Zawtnak le maw fahnak ruang
Lung a dongmi nan um maw
Maw David fapa ka zaangfah
Tiin Jesuh sawm usih
Zawtnak cu chim lo thihnak
Hmanh a teitu Bawi Jesuh
A kutcak le thawnnak thawngin
Hawi dawt na dam hrimhrim lai..
[Verse 4]
Tuntuk khuasaknak kongah
Lung a dongmi nan um maw
Maw David fapa ka zaangfah
Tiin Jesuh sawm usih
Van a zuangmi va te hmanh
Rawl loin a chia lotu
Kan Pathian a si ca mualpho
In an chia hrimhrim lai lo..
