Nunnak Tlanglawng
(Lyrics)
Key: Ab
[Verse 1]
Aa thawhmi tlanglawng cungah,
Micheu cu an dawtmi tonawk
Ah an ii thawh i micheu cu
An dawtmi hna chuah takin
An i tinhmi hmun an panh
Ruahchannak phun zakip he
Thaizing zei an ton lai hngal lo
An hmai zei a um an hngal lo.
[Pre-chorus]
Minute sawmthum hnu ah a hermi tlanglawng ke
Zei a ton hmanh theimanh loin a dir i
Ṭihnak in an khat ṭah aihram thawng a thang
Chunmang vialte an lo..
[Chorus]
Nang le kei zong nunnak tlanglawng
Cit in vawlei ah chikhat khual tlawngmi kan si
Vanchiatnak kan cungah zeitik
A phak lai hohmanh kan hngal lo
Second chungah a ziam khomi kan nunnak hi
Bawipa sinah amah khan in kan chiah a herh
Kan thlarau ca’h..
[Verse 2]
Kum sawmthum ngaknu dawh te
Caan saupi a hngah hlangmi
A dawtmi he nithum hnu ah
Mipi hmai ah biakam in
Chungkhar thar kan ser ṭi lai
Ni le thla kan rel ti lai
Tiah zan ih hmanh me-rem thiam lo
Saduhthah phunkip an phai.
[Pre-chorus]
A thaizing arkhuang ah, hringtu a nu sin in
Ṭah aihram thawng a thang zei ko hen kan ton
Siseh caan a luan cang, a thaw a um ti lo..
[Bridge]
Thlitu bantuk men hi kan nunnak hi
Leidip i a kir ṭhan hnu ahcun
Zei hen tlaihchan, tlaihchan ding a um i
Bawipa kut chungah kan thlarau him te’n
A um hnu ah cun hi vawlei thil cu
Zei hen tlaihchan, tlaihchan ding a um i.
