Harnak Pin Ah Thluachuahnak
Harnak Pin Ah Thluachuahnak
(Lyrics)
Key: C
[Verse 1]
Zeizong sertu Bawipa nih, a thluachuahnak hi
Mikip hi pek a kan duh, sihmanhsehlaw
Harnak pin ah thluachuahnak, pek a kan duh
Cucu amah sunparnak caa an rak si.
[Chorus]
Nihin kan tonmi harnak, lungretheihnak hna hi
Bawipa sunparnak an si, har ko hmanhseh hawidawt
Harnak pin ah thluachuahnak, harnak pinah lawmhnak
Petu Bawi Jesuh kan ngei, Hallelujah.
[Verse 2]
Job i thluachuahnak lam hi, a har hringhran ee
Ngaihchiat mitthli tlaknak le, tem innak in
Vawlei khuacaan hmang hmanhseh, harnak pinah
Bawipa nih thluachuahnak cu a pek ṭhan ee.
[Verse 3]
A caan ah zawtfah harnak, kan ton caan ahcun
Minung lei sinak in cun, lung a dong tawn
Siseh harsatnak hna hi, zumtu ca’h cun
Amah mui kan hmuhnak ding, ca’h tu an si.
[Verse 4]
Bawipa remhmi Van Sui inn, kan tlun tik ahcun
Hi vawlei harnak ram hi, kan ngai lai lo
Lunglawm le ṭha nuam tein, kan leng cang lai
Cu hmun nuam phak lai cu ka, hngah hlang hringhran.