Dinfelnak Nih Kan Ram Uk Seh
(Lyrics)
Key: A
[Verse 1]
Pathian dawtmi kan semnak kan Lairam
Hring dildel thluafar thinghnah tlangkip ah
Iangngei chawkhlei le senhri par hna an par
A dawh parphun an tling ee;
Siseh nang le kei semnak khua le ram
Rimhmui par dawh phuntling parnak hmunah
Jesuh cawnpiakmi a tak dawtnak pardawh
Tutiang kan ramah a par lo ee.
[Verse 2]
Pathian dawtmi kan semnak maw Lairam
Fingtlang sang cung thingpar hluainim kungin
Khing riangmang vanva hna nih zaihla an sa
A dawh aw phun an tling ee;
Siseh nang le kei semnak (khua le ram)
Vanva te hladawh an saknak hmunah
Bawi Khrih cawnpiakmi nunzia dawh le awthlam
Tutiang kan ramah a leng lo ee.
[Chorus]
Dawtnak le remnak lengcang seh
(Kan ram ah) dinfelnak nih kan ram uk seh
Kan ram chungah (Kan ram chungah)
Jesuh muithlam lengcang seh tiin
Nitin thlacam kan herh.
[Verse 3]
A hmebik nang le kei lennak lairam
Zalam tlangrawn le lungrawn khua dildel
Semmawng nupa le thangthar leng le val hna
Nuam chialmal in an leng ee;
Siseh nang le kei leennak (khua le ram)
Khrihfa unau nupa lennak hmunah
Kan biakmi a kan tlanhtu Jesuh muithlam
Tutiang kan ramah a leng lo ee.
