Kumthar Zalam Thluan
(Lyrics)
Key: Bb
[Verse 1
Ni le thla le kum a ngeitu
kan nunnak kan zeizong ngeitu
Ka Bawi nunnem na dawtnak vel thawngin
Kum hlun lamthluan chungah zawt le fahnak
Hi vawlei ral phun zakip lakin
Na kan venmi kum thar na kan phakpi.
[Chorus]
Kum thar zalam thluan ah zeithil dah
kan ton te lai ti kan hngalh khawh lo
Cu a si ca’h nangmah tel loin
Kan kal ngam lo i kan kalpi ko
Kum thluan chuakin keh le orh, hnu hmai
Ral phunkip in him tein kan ven
Na thluachuah kutnem in
Kan hruai hram ko mu.
[Verse 2]
Mi zeihmanh nangmah tel loin
Kar khat hlang kho hi kan um lo
Kan kepah ventu zong Bawipa na si
Kum thar chungah nangmah i duh ning le
Na sunparnak langhtertu si ding
In nun lam kan hruai maw ka Bawi nunnem.
[Verse 3]
Chunceu ah minmei le zaan ah
Ceunak in Isreal mi hna a hruaitu Bawi
Kum thar zalam thluan hi
Na thlarau Thianghlim in kan hruai ve ko
Keh le orh, hnu le hmai ral phunkip
Chung in him tein kan ven hram ko mu.
[Verse 4]
Aw.. kum hlun aw dam te’n mangtha
Sungzatlaknak le puaicimnak
Kum hlun aw kalpi dih cang ko hna mu
Maw a thar kum aw thluachuah le van ni
Za kan phurh law taksa thlarau in
Lawmhnak kum hram ko mu maw kum thar.
[Ending]
Kum thar lawmhnak
Nan cungah um cio ko seh;
Kum thar lawmhnak
Nan cungah um cio ko seh.
