Messiah A Chuak Cang
(Lyrics)
Key: D
[Verse 1]
Kum le caan hna nih an liam i
A sungbik December kan phan than
Ngaihchia le zuuntuar mi vialte hna
I lawm cang usih;
Kan mitthli hnawhpiaktu dingah
David khua Bethlehem ah
Daihnak Bawi a chuak cang.
[Chorus]
Lawm uh.. lawm uh.. Merry Christmas
Kan ca’h remnak Bawi a chuak cang
Zai hla dawh in thangthat usih
Vancung mi hna hluan in
A sannak bik vancung ah khin
Pathian cu thangthat in um seh
A dawtmi hna umnak vawlei ah
Remnak leng cang seh.
[Verse 2]
Vancung mi nih tuukhal sinah
Tihhlah uh nan caah thawngtha
Mi khamhtu Bawibik Messiah cu
Nihin ah a chuak cang;
Cawrawl einak kuang chungah cun
An thlimmi nan hmuh lai
Mi khamhtu a chuak cang.
[Verse 3]
Mifim hna nih an laksawng he
Khupbil in an va biak
Kan nih zong nih laksawng sung he
Nihin ah biak usih;
Hitluk a sunglawi mi khamhtu
Kan Siangpahrang thar cu
Nihin ah a chuak cang.
