Lungawi Thusimding Kan Leiba
(Lyrics)
Key: D
[Verse 1]
Kan par ih Pathian thatnak
A zaangfahnak lainatnak
Siar ih lungawithu kan sim kirsal tikah
Kan Pathian a lung a awi
Kan parah a di a riam
Pathian hnenah lungawihthu sim cio usih.
[Chorus]
Alak in kumkhua nunnak ro sunglawi in pe
Alak in kilkhawi i damnak in pe
Alak in kan phu lomi
Malsawm phunkim in vur theu
Bawipai hnen lungawithusim kan leiba.
[Verse 2]
Lungawi thusimnak nun hi
Zumtui’ nun thlalang a si
Zumtu pitling cun lungawithu an sim theu
Ziang thil khal hi kan hawl cun
A sia a tha kan tong theu
Lungawithu sim ding hawl hman na tong ko ding.
[Verse 3]
Zumtu unau hi thu hi
Thaten in ruatsal uh si
Sumsaw neisiah hlawnthil lawng thlawsuah si lo
Cuhnak ih thupisawn mi
Damcahnak kan comi hi
Thlawsuah lakih sunglawi bik Bawipai pekmi.
