Lungtak in Thlacam
(Lyrics)
Key: E
[Verse 1]
Maw hawi dawt kan nunnak hi
Nikhat cu an liam te lai
Caan ṭha kan ngeih lio ah hin
Bawipa ca kan ti khawh tawk
Amah thangṭhatnak ah hmang
na caan ṭha a lakin liamter hlah
Hawi dawt hna kan nunnak hi
Caan sinah an liam te lai
Biaceihnak hmai kan dir tikah
Sertu Pathian hmaika ahcun
Kan sualnak zei nih phenh kho lai lo..
[Chorus]
Maw hawidawt kan nunnak hi
Nikhat cu an liam te lai
Caan ṭha kan ngeih mi hna hi
Amah thangṭhatnak ah hmang
Kan sualnak ngaihchih buin
Bawipa sin kir cang usih
Ngaihchih in thlacam mi nih
Vancung ram an co lai
Lungtak in thlacam tuah..
[Verse 2]
Hawi dawt hna kan nunnak hi
Porhlawtnak in a khat cang
Dinfelnak a um ti lo
Ruamkainak in a khat cang
Kan nunnak an liam hlan ah
Lungchir in Bawipa sin kir usih
Ruamkainak le porhlawtnak
Nunzia kaltak cang usih
Toidornak lungthin ngei buin
Sertu Pathian thangṭhat u sih
Amah nih lam ṭha ah a kan hruai lai..
[Verse 3]
Hi lei i kan zumhning le
Kan tuahsermi vialte hi
Sertu kan Pathian hmai ah
Chuahpi ngam an si hnga maw?
Atu hi caan ṭha a si
Thaizing kan nun zeiton lai hngalh lo
Timhcia in um cang usih
Pathian hmai kawl cio usih
Pathian duhnak tuah cu zuam in
Taksa duhnak hna cu hlaw in
Ralring in Bawipa ca um usih..