A Fekmi Dawtnak
(Lyrics)
Key: E
[Refrain]
A zungzal in dawt nang he
A dawmi vanvaa bangin
Lungkhat in hi lei harnak chungin
Kan zuang ṭi lai
Khenkhamtu hna pinlei ah khin
Nun chung i ṭhen ti lo dingin
Kan kut i tlai usih
Donghnak ni tiang in.
[Verse]
Ruahchannak nganpi hen nang sinah ka ra
A fekmi ṭuanbia dawh ṭial dingin
Nunchung ca pakhat lawng thimmi nang sinah
Kan tar hnu kan sam par tiangin
I daw usih.
[Chorus]
Harnak caanah lung dongh loin
Kan chunmang kan phak hlan tiang
A fekmi dawtnak i theihthiamnak he
A hmun pengmi dawtnak ser in.
[Rap]
A chung khun ka dawt nang hen ton hnu in
Dawtnak khua awng zong nang hen ka penh
Ruahchannak ngei bal lo mipa
Nang sin in dawtnak ka ngah hnu cun
Ruahchan mi zaza zaan hngilh khawh loin
Chunmang nganpi hen saduh ka that
Dawtmi nang he ṭhennak caan sau hnu cun
Zuun ngeih tuar har
Dawtmi nang he lungsii lonak um cun
I ngaithiam usih
Khat le khat zumhnak nganpi hen
Kan leng lai
Runginn tangah dawtnak zaanruah kan dum lai
Nikhat ah zaapi hmai ah kut sihin
Ṭhilthuam rang hen kan biak pa Pathian sinah
A fek pengmi dawtnak kan ngei lai timi biakamnak serin
Nang he
Kan taksaa hna vawlei i a ciamh dih tiangin.