A Rianthiang Ah
(Lyrics)
Key: F#
[Verse 1]
Bawipa rianṭuantu an lam thluan zoh ah
Hling le so in a khat
Harnak phun zakip nih kulh hna
Thinfual lungsau in Bawipa ca’h tiin
Harnak phun zakip ah
Dawtnak le Bawipa rian cu ṭuan hna maw?
[Chorus]
Harnak pin leiah thluachuahnak a um
Ṭahnak pinlei lunglawmhnak
Thih hnu pin leiah thlarau nun ruat in
Bawipa ca’h hmai fong chin uh
Nan zulhmi lam cu har ko hmanhsehlaw
Nuam le lawm in ṭuan hram uh
Nan nun hmang in ṭuanbia dawh cu ṭial hram uh.
[Verse 2]
Bawipa fial bangin a rianṭhiang ṭuantu
Nan cungah kan i lawm
Nan khal mi nan tuu run hna nih
Nan ca’h thla kan cam thluachuah van luh cu
Nan cungah tlung hram seh
A rianthiang ah dawtnak he nan nun hmang uh.
[Bridge]
Bawipa Jesuh a lamthluan ka zoh tikah
Harsatnak le tukforhnak phun zakip a tuar
Bawipa rianṭuantu an lamthluan ka zoh zawnah
Hling le so in a khat mi lam a si ka hngalh.
