Zei Si Zongah Thangthat Ko Usih

Zei Si Zongah Thangthat Ko Usih
(Lyrics)
Key: F

[Verse 1]
Maw Pathian aw zei ca hen hi tluk na kan dawt hi
Lei le lung hna an cim zongah a kan dawtu
Zeitik hman a kan kaltak bal lo Pathian
Hlawtcia Hagar fadawt Ishmael ti a petu
Jerusalem bang kan khuaram vengtu Bawipa
Thangṭhat uh thangthat uh a dawtnak ruangah.

[Chorus]
Zing le zaan caan zong Bawipa thangṭhat
Mitthli tlak bu zong Bawipa thangṭhat
Vutcam kan si lio caan zongah Bawipa thangṭhat
Thli le ruah le tilian kan ton zong
Bawipa khuakhan a si kan hngal lo
Cu si ca Bawipa lawng sunpar pe usih.

[Verse 2]
Mupi nu nih a fadawt bu a hnin bangin
An tlak zongah a dawtnak keng a phah piak hna
Cu si ca Bawipa cu thangṭhat uh
Ramchung ramleng ummi hna nih philh hin hlah uh
Nan ṭuannak kut le ke damtertu Bawi a si
A zungzal thangṭhat law na lawm chinchin lai.

[Verse 3]
Kan miphun nih khupbil buin thlacam usih
Jacob bangin thluachuah ka pe ti hal usih
Joseph ca khuakhang ciatu Pathian
Pathian khuakhan zeitin a si kan hngal kho lo
Kan ton mi thil Pathian kut ah chan ko usih
Zei si zong zei si zongah thangṭhat ko usih.