Kum Thar
(Lyrics)
Key: F#
[Verse 1]
Ni le thla le maw kum le caan cu an liam ee
Tleihawk le thlahawk le an ṭha lo
Lawmh caan zong an liam i
Ngeihchiat caan zong an liam
Kan siang le maw kan siang lo zongah
Harnak kan timi le lawmhnak kan timi zong
Ni le thla khua caan nih an liampi
A hlun thil vialte cu mangṭha ti ko cang hna usih
Kum thar le thla thar sunglawi kan phan ṭhan cang
Maw a thar kum aw thluachuah thar kan phurh cio mu.
[Chorus]
Dawt cuk makmi tampi kum nih a liam pi hna
Ngeihchiatnak puanlu he kumthar phan mi
U le nau tampi hna ngeihchiat puanlu cu hung cang uh
Kum a thar bang in maw thinlung le ruahnak
Zong hi thar cang seh
Lawm in hmang ṭhan hna usih.
[Verse 2]
Maw a thar mi kum aw zawt le fah dam lomi
Kan caah damnak thar kan phurh law
Ngeihchia le lung a kuai mi caah lunglawmhnak
Thar cu rak kan phurh hram ko mu
Sungzatlak a tongmi le lei rai a khat mi
Kan caah hlorhnak thar kan phurh law
Khuaruahhar vansang au in a hrum a ai mi ca le
Thawngtla mi hna ca’h luatnak le lawmhnak thar
Cu kan phurh hram mu kan hngah hlangmi kum thar aw.
[Verse 3]
Kan hmai ah zeidah um thaizing ah zeidah kan
Ton lai ti kan hngalh khawhmi um lo
Hnabei in a kal i ruahnak in a vai mi
Minung menmen kan si ko caah
Na kut in kan hruai law rili sen na chah bang
Kan ca’h tih nung cu kan chah piak law
Kan nun zalam tluanter ram hring le dinhmun ti pawngah
Kan hruai law kan tuukhal ṭha Jesuh Khrih aw
Kum lawng thar loin nun thar in kan hruai hram mu.
