Damnak Petu Pathian
(Lyrics)
Key: E
[Verse 1]
Bawipa nih a fadawt cu
A kan hneksak tawn
Zumhnak lam kan pial nak hnga lo
A kan run ven tawn;
Micheu cu zawtfahnak kan tong
Micheu ngeihchiatnak
Kan tonmi harnak chung cio in
A kan run ven ko.
[Chorus]
Maw Bawipa kan ca na ṭha tuk ee
Siizung chungah lungrethei in
Vansaan kan ton zongah
Kan nunnak cu na kut chungah
Him tein na chiah ko
Damnak tlamtling tu na kan pek
Maw Bawipa kan i lawm.
[Verse 2]
Cancer zawtnak dot li tiang
Dirhmun ah kan phan i
Minung lei cun lung a dong ko
Lungre lawng a thei;
Sihmanhsehlaw hnabeidonghnak
Pin lei thluachuah cu
Na kan pe ih damnak tlamtling
Kan hmu ca kan i lawm.
[Verse 3]
Damnak petu kan Pathian
Nangmah lawnglawng hi
Kan chungkhar ah Bawi zungzal law
Kan kaltak hin hlah;
Kan ton lio mi kan ton lai ding
A hngalhtu na si
Taksa, thinlung, thlarau damnak
Kan pe zungzal ko.