Pathian Duhmi Raitawinak (Ps 50:14)
(Lyrics)
Key : G
[Verse 1]
Ka mi hna ka bia tha te’n ngai tuah uh
Na thinlung hna kha tha te’n tung uh
Keimah lawng nan Pathian
A dingmi biaceihtu Bawi Nganbik a si..
Nan pek mi cawtum sa khi ka ei maw?
Nan thahmi meheh thi cu ka ding maw?
Nan lo chung satil le ramlak um thil vialte khi
Ka ta an si Pathian ati..
[Chorus]
Pathian nih a duhmi raitawinak cu
Amah sin lunglawmh biachim kha a si
Kan nunnak sining thazaang dihlak he
Amah sin pekchanh kha a si
Pathian nih lenglei thil kha a zoh lo
Kan chunglei nunnak lungput kha a zoh
Kan thinlung dihlak in thangthat a duh
Cucu Pathian lawmhmi,
Cohlan mi thangthat raithawinak cu a si..
[Verse 2]
Pathian cu biakinn lawngah a um lo
Kan umnak kalnak hmunkip ah a um
Cucaah a nawl ngai in
Nitin kan nun ah amah thangthat a duh
Zumtu cu kan pum hi Pathian Biakinn
Thiang Thlarau umnak Biaktheng kha a si
Cu caah kan pum in Bawipa cu sunparnak pek
Zungzal ding kha kan rian a si..
[Verse 3]
Zumtu cu Pathian fa le kan si ca’h
Amah nih kan nunnak vialte a ngeih
Kan tuahmi a hmuh dih
Kan sining zeizong te hi Bawia hngalh
Kan lunglawmh caan le ngeihchiat ah siseh
Kan hnangam caan le retheih caan zongah
Amah cu lunglawm in thangthat le upatnak he
Zungzal ding kha kan rian a si.
