Zion Ram Ngai In Kan Ṭap
(Lyrics)
Key: Eb
[Verse 1]
Thlarau mit in kan cuanh tawn mi,
Van Jerusalem thar khi
Mithiang mi hna an lennak Zion ram cu
Zeitik dah ka phak te lai ti’n
Zumtu mi nih kan hngah hlang
Cu caah Zion ram ngai in kan ṭap tawn..
[Chorus]
Zion ram ngai in kan ṭap,
Thlarau mi le fa hna cu
Van lawmhnak in kan khah caah kan lam ee
Hi lei ram ah um hmanh usih
Hi lei mi kan si ti lo
Kan thangṭhat lai Zion ram
Kan phak hlan tiang..
[Verse 2]
Vawlei thil ah kan ṭah ahcun,
Vawlei cu ai lawm ko lai
Sihmanhsehlaw Vanlei thil ah kan ṭah cun
Zungzal nunnak petu thlarau
Thianghlim cu ai lawm lai i
Kan taksa kan thlarau ca damnak a si..
[Verse 3]
Hi vawlei hi a zungzal in
Kan umnak ding a si lo
Thihhnu thawhṭhannak ni ah zumtu mi cu
Zion ram ah lunglawm tein
Kan lengcang lai ti kan hngalh
Cunglei nun in Zion ram ngai in kan ṭap..
