Bawipa A Tha

Bawipa A Tha
(Lyrics)
Key: G

[Verse 1]
Maw ka nunnak Bawipa cu thangthat tuah
Ka sining vialte a min thiang cu
Thangthat tuah uh a dawtnak le vel a thatzia hi
Ka sualnak vialte a ka ngaih thiam i
Ka zawtnak vialte a ka damter
A dawtnak in a thluachuahnak a ka pek.

[Chorus]
Bawipa cu a tha ka thangthat ko lai
A dawtnak vel hi ruah than tikah
Thangthat loin um khawh a si lo
Kan dam lo caan ah damank a kan pek
Kan herh mi tirawl a kan pek than
Bawipa a tha ka thangthat chinchin ko lai.

[Verse 2]
Zawt le fah caan zong vawlei a si ca’h
A caancaan ah cun kan ton ko lai
Bawipa sinah vui le vai biachim hna hlah usih
Kan zawt caan nakin kan dam caan sau deuh
Kan tah caan nakin lawmh caan tam deuh
Bawipa a tha kan ca’h a tha hringhran.

[Verse 3]
Nifatin te kan ei din khawh mi le
Kan tuan kan ih zau khawh mi hna hi
Bawipa dawtnak kan caah a tha a tha hringhran
Sizung siikhan ah mi tampi an um
Nihin ni tiang in kan dam mi hi
Lawmh bia chim in thangthat lo khawh a si lo.

[Verse 4]
Zaan in merem hnu zinglei khua ceu dawh
Hmu kho loin thlanmual liam an tam
Nihin tiangin kan dam rih mi hi Bawipa a tha
Kan duh zong duh lo zongah nikhat cu
Thangthat khawh lo caan kan phan te lai
Caan tha um lio ah Bawipa thangthat usih.

[Verse 5]
Bawipa dawtnak hi pakhat hnu pakhat
Ka ruah than tikah kei santlai lo
Misual dawtu thangthat tlak hmanh kan thangthat kho lo
Thlarau Thianghlim in kan nun lam a hruai
Kan sining cio in thluachuah pektu
Zeitin hnu ka chit i ka hlawt khawh lai.